Kerstmis

‘T KIEEËSKINNEKE

‘t Kieeëskinneke gèèt weer koeëme
nao alle luj van goje wil,
es kribke haet ‘t oes hart genoeëme,
dao is ‘t neet zoe kaad, zoe kil.

Dat häör Kinneke nao oes kumt,
is vuur Slivvruwke gè bezjwoer,
es oes laeëve mer op dat van häör sjtumt,
good en zuver, doer en doer.

En Sint-Jozef vint aal good
òòch kint e ‘t neet verklaore,
en ingelkes wérme oes gemood
mit hun wijskes oet vreuger jaore.

òòch Kinneke ! Blief hier woene,
neet alleng dij daog van leech en greun,
en ‘t woengder daan bekroene
dat alle luj ziech weer versjteun!

Willy Theunissen